„Семијачкото“ знаме и мијачките семејни знамиња - Flag of „All The Mijaks“ and the Mijaks Family Flags

Апстракт

Досега од неколку автори се изнесени тврдења за постоење на едно Мијачко знаме. Меѓутоа овие автори не говорат за исто знаме и нивните описи се разликуваат. Во овој труд ќе ги разгледаме тие описи и ќе се обидеме да утврдиме кое е правото Мијачко знаме, доколку тоа постоело или пак, можеби биле повеќе мијачки знамиња. Исто така ќе ги разгледаме мијачките семејни знамиња, за кои денес ретко се знае дека некогаш постоеле (сочувани се само три вакви знамиња), но на постарите фотографии од свадбите во мијачките села можеме да ги забележиме, па дури одредени знамиња и да реконструираме врз основа на фотографиите и описите.