Преглед на македонските одликувања

Апстракт

Првите одликувања користени во денешна Република Македонија се од Демократска Федерална Југославија (подоцна СФРЈ). Првото автентично одликување на НР Македонија е илинденската споменица од 1951 г. како републичко одликување. По осамостојување на југословенските републики, Хрватска и Словенија првите доделувања ги имаа уште во 1992 г., додека Република Македонија дури 13 години подоцна, иако првиот закон за одликувања беше донесен 1995 г. Патот до остварување на овие државни симболи беше макотрпен. Законот од 2002 г. ги постави основите на македонскиот награден систем, кој всушност започна со дефинирањето на изгледот и материјалите од кои се изработени ордените и медалите во 2005 г. Системот предвидува 6 ордени: Орден на Република Македонија; „8 Септември“;„Илинден - 1903 година”; за заслуги за Македонија; за воени заслуги и „Света Мајка Тереза“. И 5 медали: за заслуги за Република Македонија; за храброст; на честа, „Вечно сонце” и за учество во хуманитарни или мировни операции, надвор од територијата на Република Македонија; и една Повелба на Република Македонија. Од 11 ордени и медали, 25% се недефинирани, системот има премалку одликувања. Доделувањето на ордените и медалите е крајно рестриктивен. Оваа
статија ги обработува македонските одликувања во поширок контекст.